Amdanon Ni

Cyfleusterau

Mae’r adeilad, ysgol y pentref gynt, wedi’i adnewyddu’n helaeth i greu canolfan awyr agored fodern a chyfarparedig. Mae’r cyfleusterau yn cynnwys:-

• Llety ar gyfer 16 myfyriwr mewn 2 ystafell gysgu
• 2 ystafell wely i staff gyda lle i hyd at 4 o staff ar ymweliad
• Toiledau a chawodydd
• Cegin gyflawn
• Ystafell ddydd
• Ystafell sychu
• Ardal addysgu tu allan dan do
• Ardal wersylla gyda thoiledau a chawodydd ar wahân
• Cwrs rhaffau isel a “Naid mewn Ffydd”

Ein Hethos

Mae Canolfan Addysg Awyr Agored Nantyr yn ymdrechu i ddarparu profiadau addysgol awyr agored diogel, pleserus a chadarnhaol drwy bob cwrs a ddarparwn. Rydym yn ceisio:-

• Defnyddio gweithgareddau awyr agored fel modd o hybu datblygiad personol a chymdeithasol
• Gosod targedau llawn her ond cyraeddadwy er mwyn gwella hunan hyder ac ychwanegu at y cyflawniad
• Archwilio sgiliau cyfathrebu, gwaith tîm, ac arweinyddiaeth a’u gwella
• Rhannu ein rhyfeddod o’r awyr agored ac annog dealltwriaeth a pharch at yr amgylchedd naturiol
• Cyflwyno cyfranogwyr i’r hyn a allai fod yn ddiddordebau gydol oes iddynt a sefydlu’r pwysigrwydd o gynnal dull iach o fyw

Yn ystod ein cyrsiau anogir myfyrwyr i ddod i wybod a deall bod y sgiliau cyffredinol y maent yn eu dysgu’n werthoedd trosglwyddadwy ac mai’r nod cyffredinol yw datblygu eu heffeithiolrwydd fel dinasyddion yn y gymuned ehangach.

Hanes Nantyr

Adeilad Canolfan Addysg Awyr Agored Nantyr oedd yr ysgol bentref ar gyfer cymuned yr ardal yn wreiddiol. O’r 1950au y perchnogion oedd Ysgol Uwchradd Fodern St George o Gilgwri a ddefnyddiai’r adeilad yn ganolfan i’w gwaith preswyl a’u hastudiaethau maes. Daeth i berchnogaeth Cyngor Bwrdeistref Sirol Wrecsam ym 1991 a fu’n gofalu am ei datblygiad hyd at heddiw. Yn 2008 bydd datblygiad pellach yn y ganolfan pan ychwanegir ystafell hyfforddiant / hamdden amlbwrpas. Er bod y math o ddefnydd wedi newid rydym yn falch bod yr adeilad yn dal i weithredu fel cyfleuster ar gyfer pobl ifanc a’r gymuned leol.